Фото: elements.envato.com
Ішкі істер министрлігі Әкімшілік полиция комитетінің төрағасы Қайсар Сұлтанбаев Астанадағы көше музыканттарына көрсетілетін қысыммен күресуге, жағдайды жеке бақылауға алуға уәде берді, - деп хабарлайды Tengrinews.kz.
Осыған дейін әлеуметтік желілерде елордалық музыкантқа тәртіп сақшылары жағалаудан кетуін сұраған видео жарияланған болатын. "Қазақстан заңы бойынша көше музыканты қайыршымен теңестіріледі екен", - деп елордалық музыкант видеосының астына пікір қалдырған.
"Мен жағалауда, ескі көпірдің жанында ойнадым. Маған полиция қызметкері бұлай жасамауымды және Арбатқа да бармауымды ескертті. Неліктен мұнда ойнай алмаймын деген сұраққа, полиция қызметкері былай деп жауап берді: өйткені осында адамдар көп жүреді. Мен Арбатта бірнеше рет болдым, киіз үйдегі токқа электр гитара күшейткішті қосып ойнауға тырыстым, содан кейін әкімдіктен адамдар келіп, бұлай етпеу керектігін айтты", - деп жазды музыкант.
Музыканттарға қатысты тыйымдар туралы сұрақпен журналистер Сенат отырысында Ішкі істер министрлігі Әкімшілік полиция комитетінің төрағасы Қайсар Сұлтанбаевқа жүгінді.
"Полиция көше музыканттарын қуып жүр. Музыканттарды заңсыз кәсіпкерлікпен айналысты деп айыптады. Бұл қаншалықты дұрыс" - деп сұрады журналистер комитет басшысынан.
Сұлтанбаев музыканттарды оқудан шығару дұрыс емес деген пікірмен келісті. Ол жастардың көкейіндегі түйткілді мәселені жеке зерттеуге уәде берді.
"Менің ойымша, бұл дұрыс емес. Оларға біреу шағымданған шығар. Мүмкін, жақын маңда біреу тұрады. Олар қатты ән айтады. Үлкендер бар олар қалай демалсын басқалар ән айтып жатса. Мүмкін, шағымдар немесе арыздар түскен. Сонымен қатар, көпірде ән салу дұрыс емес. Бұл көптеген көлік жүретін нысан.
Егер бұл жаяу жүргіншілер көпірі болса, онда сөзім жоқ. Маған осы мәселені зерттеуге рұқсат етіңіз, сіз маған қосымша хабарласыңызшы, мен сізге жауап беремін. Шын мәнінде, бұл қашан болды, қандай жағдайларда. Нақты деректермен мен сізге оқып, есеп беремін", - деп уәде берді Қайсар Сұлтанбаев.
616 рет оқылды
