18 қаң, 2023 сағат 15:47

Киев облысында балабақша маңына тікұшақ құлады - видео

18 қаңтар таңертең Киев облысындағы Бровары қаласында балабақша маңына тікұшақ құлады. Ғимаратта өрт басталған. Толық емес мәлімет бойынша, 16 адам қаза болған, екеуі – бала, деп хабарлайды "Ұлт ақпарат".

Бұл ақпаратты Ұлттық полицияның басшысы Игорь Клименко растады.

"Бүгін таңертең Бровары қаласында ДСНС винті апатқа ұшырады. Тікұшақ апаты салдарынан ІІМ басшылығы: министр (Денис Монастырский), бірінші орынбасар (Евгений Енин) мен Мемлекеттік хатшы (Юрий Лубкович) қаза тапты. Жалпы 16 адам қаза болған, оның ішінде 2 бала бар. 22 адам зардап шеккен, олар ауруханада, оның ішінде 10 бала бар.

Барлық мамандандырылған қызмет жұмыс жасап жатыр. Оқиға орнын тексеру жалғасуда", - деп жазды Клименко Facebook парақшасында.

Киев облысы әкімшілігінің жетекшісі Алексей Кулебаның айтуынша, тікұшақ балабақша мен тұрғын үй арасына құлаған. Кей ақпаратқа қарағанда, тікұшақтың бір бөлігі балабақша аумағына құлаған, ал машинаның басым бөлігі үй маңындағы аумақта қираған.

Балабақшада балалар мен тәрбиешілер болған. Олар эвакуацияланған.

Тікұшақтың құлауына не себеп болғаны белгісіз.