Ресей Үкіметінің шешімімен Қазақстан азаматтарының бәріне, соның ішінде ішкі және орта оқу орындарында оқып жүргендерге Ресейге ұшақпен ғана кіруге рұқсат беріледі, деп хабарлайды "Ұлт ақпарат" еліміздің Ресей Федерациясындағы Елшілігіне сілтеме жасап.
Құрлықтық шекара арқылы бұрынғы шектеулер, атап айтқанда Ресейге жолмен кіруге әлі де тыйым салынады.
Ұшып келген студент көші-қон картасында өздігімен келу мақсатын «Оқу» деп көрсетуі керек. Осының негізінде оқу орны келу кезеңіне байланысты тіркеу құжатын жасайды.
Қазақстан Республикасының Ресей Федерациясындағы Елшілігі Ресейге үшінші ел арқылы тек тұруға ықтиярхаты бар азаматтар кіре алатынын хабарлайды. Егер ҚР азаматы Ресейге Қазақстан арқылы емес, Түркия арқылы кіруді жөн деп шешсе, онда оның Түркияда тұруға ықтиярхаты болуы керек.
«Екі ел арасындағы әуе рейстерін Air Astana мен Аэрофлот компаниялары жасайды. Әуе билеттерінің бағасы мен ұшақтардың ұшу тәртібін әуе компанияларының сайтынан білуге болады. Ресейге келетін азаматтарда коронавирус бойынша ПТР-анықтама болуы (72 сағатқа жарамды) керек», - делінген хабарламада.
676 рет оқылды
