Қазақстанда жаңа ұлттық парк құрылды. Бұл туралы ҚР Экология министрі Серікқали Брекешев Twitter-дегі парақшасында жазды, деп хабарлайды "Ұлт ақпарат".
Ведомство сайтының хабарлауынша, 7 желтоқсан күні ҚР Үкіметінің №867 қаулысына сәйкес Қазақстанда «Ұлытау» ұлттық паркі құрылған.
Ұлттық парк ҚР Президентінің тапсырмасы аясында құрылып отыр.
Ол Қарағанды өңірінде орналасатын болады. Аумағы 58,9 мың гектарды құрайды.
«Парк құрудың мақсаты – ерекше экологиялық әрі ғылыми құндылыққа ие мемлекеттік табиғи кешендердегі биологиялық және ландшафтық саналуандықты сақтау және қорғау», делінген хабарламада.
Айта кетейік, «Ұлытау» ұлттық паркі – Қазақстандағы 14-ші мемлекеттік табиғи парк.
1429 рет оқылды
