12 қарашада Қазақстанда 638 адамға коронавирус жұққаны тестпен расталды. Денсаулық сақтау министрлігінің 13 қараша таңертең таратқан хабарламасында осындай ақпарат жазылған.
Бейсенбі күні Шығыс Қазақстан облысында - 261, Қостанай облысында - 53, Нұр-Сұлтанда - 51, Павлодар облысында - 49, Солтүстік Қазақстан облысында - 43, Алматы қаласында - 39, Ақмола облысында - 37, Батыс Қазақстан облысы - 30, Қарағанды облысы - 17, Алматы облысы - 16, Атырау облысы - 12, Ақтөбе облысы - 10, Жамбыл облысы - 7, Шымкент қаласы - 4, Түркістан облысы - 4, Маңғыстау облысы - 3, Қызылорда облысы 2 адамнан коронавирус инфекциясы анықталған.
Наурыз айынан бері 119 129 адамға коронавирус жұққаны ПТР-тестпен расталған, содан бері 1918 адам коронавирустан қайтыс болған. 108 мың адам жазылған.
1 тамыздан бері 39 545 адам коронавирус пневмониясына шалдыққан, 29 351 адам жазылған, 412 адам қайтыс болған.
Екеуін қоса есептегенде науқастар 158 674 адамға жетеді.
Қазір 7 мыңнан астам адам коронавирустан емделіп жатыр.
522 рет оқылды
