Қазақстанда тағы 2 440 адамның коронавирус тесті оң шықты.
Бейсенбі күні Алматыда – 717, Нұр-Сұлтанда – 446, Алматы облысында – 254, Қарағанды облысында – 169, Ақтөбе облысында – 116, Атырау облысында 149 науқас тіркелді.
Батыс Қазақстан облысында – 110, Ақмола облысында – 101, Шымкент қаласында – 72, Шығыс Қазақстан облысында – 49, Қостанай облысында – 33, Жамбыл облысында – 38, Қызылорда облысында – 43, Павлодар облысында – 38, Солтүстік Қазақстан облысында – 49, Түркістан облысында – 23, Маңғыстау облысында 33 адамнан коронавирус анықталған.
Сондай-aқ, 9 сәуірдегі мәлімет бойынша, 30 219 адам короновирус инфекциясынан (29 429 КВИ+ және 790 КВИ-) емделіп жатыр.
Олардың ішінде 11 376 пациент - стационарда, 18 843 науқас амбулаториялық деңгейде ем қабылдауда.
КВИ+, КВИ- шалдыққандардың арасында:
• 517 адамның жағдайы ауыр;
• 163 пациенттің жағдайы өте ауыр;
• 87 науқас ӨЖЖ аппаратында жатыр.
Денсаулық сақтау министрлігінің мәліметінше, 7 сәуірде 104 адамға коронавирус пневмониясы диагнозы қойылған. Сәрсенбі күні 22 адам өлімі тіркелген. 19 адам – коронавирустан, 3 адам коронавирус пневмониясынан қайтыс болды деп айтылады.
Биліктің мәліметінше, індет басталғалы бері 263 943 адамның коронавирус тесті оң шыққан. 2020 жылдың 1 тамызынан бері 51 159 адам коронавирус пневмониясына шалдыққан, 721 адам өлімі тіркелген.
Денсаулық сақтау министрлігі коронавирус пен коронавирус пневмониясына шалдыққандарды бөлек есептеп келеді. Былтыр маусым мен шілде айларында індет ушығып, өкпе ауруына шалдыққандар көбейген шақта министрлік коронавирус пневмониясы мен пневмонияға шалдыққандарды ажыратудың қиындығын алға тартқан. Тек тамыздан бастап коронавирус пневмониясына жеке код беріліп, жалпы пневмониядан бөлек есепке алына бастады.
Былтырдан бері 3190 адам коронавирустан қайтыс болды деп айтылады.
1010 рет оқылды
_140_110.webp)
