Сурет: polisia.kz
Полиция қызметкерлері қараша айының соңғы он күндігінде қызметтің күшейтілген нұсқасына ауыстырылды, – деп хабарлайды Polisia.kz.
"Саяжайларда, құрылыс объектілерінде, базарларда, шаруа қожалықтарында, жалдамалы пәтерлерде, шалғай жерлерде тексеру жүргізіледі.
Алкогольді ішімдік ішу, қоғамдық орындарда мас күйде жүру, белгіленбеген жерлерде темекі шегу, ұсақ бұзақылық жасау, ортақ пайдалану орындарын ластау, тыныштықты бұзу, отбасылық-тұрмыстық қатынастар саласындағы құқық бұзушылықтарға жол беру сынды тәртіп бұзушылықтарға “мүлдем төзбеушілік” қағидаты қолданылады.
Қорғау нұсқамасы шығарылған, мінез-құлқына ерекше талаптар қойылған, ІІО есебіне алынған адамдар, маскүнемдер, нашақорлар, қолайсыз отбасылар арасында құқық бұзушылықтардың алдын алу бойынша рейдтер жүргізіледі" - делінген ІІМ баспасөз қызметі хабарламасында.
Ведомство мәліметінше, жол жүрісі қозғалысы мәселесіне де бақылау күшейтілді.
"Стихиялық қоқыс орындарын және олардың шығу көздерін анықтау бойынша шаралар қабылданып жатыр. Іс-шара жергілікті атқарушы органдармен, “Amanat” партиясының өңірлік филиалдарымен, үкіметтік емес ұйымдардың, жастар қозғалыстарының және БАҚ өкілдерімен өзара іс-қимыл аясында өткізіледі" - делінген хабарламада.
Операцияның негізгі бағыты – қоғамдық тәртіпті сақтауды және көшелердегі профилактиканы күшейту.
"Әр қызметкер заң атынан нақты әрекет етуі керек. Азаматтармен сыпайы болуды ұмытпау қажет. Заң бәріне бірдей", – деп атап өтті Ішкі істер министрі Ержан Саденов.
736 рет оқылды
