Сурет: ашық дереккөз
Антикор бірнеше өңірде алаяқтық фактілеріне сот үкімі шыққанын хабарлады.
Мәселен, Астана қаласының қылмыстық істер жөніндегі мамандандырылған ауданаралық соты 8 жыл 6 айға бас бостандығынан айыруға «№ 2 және № 5 нан базасы» «Астық қоймалары» ЖШС өкілдіктерінің бұрынғы директоры М. Жүсіпов сотталды.
Ол мемлекеттік органдардың лауазымды адамдарына аса ірі мөлшерде дәнді дақылдарды жымқыру фактісі бойынша қылмыстық жауапкершіліктен жалтару үшін 350 мың АҚШ доллары сомасында пара берді деген күдікке ілінді.
Осы үкіммен пара беруге итермелегені және алаяқтыққа оқталғаны үшін И. Барабаш пен Т. Демесінов әрқайсысы 10 жылға бас бостандығынан айырылды.
Сонымен қатар Қостанай қаласы № 2 сотының үкімімен Қостанай адвокаттар алқасының адвокаты О. В. Бранцевке қатысты үкім жарияланды.
Ол алаяқтық пен пара беруге итермелеуге оқталғаны үшін кінәлі деп танылды.
О. В. Бранцев құқық қорғау органдарының лауазымды адамдарына қылмыстық жауаптылықтан жалтару үшін пара беру сылтауымен өзінің қорғаушысы А. К. Сансызбаевтың 600 мың теңге мөлшеріндегі ақшасын заңсыз иемденген.
Оған параның 20 еселенген сомасы 12 млн теңге мөлшерінде айыппұл түрінде жаза тағайындалып, мемлекеттік қызметте қызмет атқаруға өмір бойына тыйым салынды.
Үкімдер заңды күшіне енген жоқ.
Пара берушілер мен парақорлықтағы делдалдар пара алушылармен қатар шартты түрде мерзімінен бұрын босату мүмкіндігінен айырылған.
Пара бергені үшін 15 жылға дейін бас бостандығынан айыру, сондай-ақ мүлікті тәркілеу, белгілі бір лауазымдарды атқару құқығынан өмір бойы айыру, әскери атақтардан, сыныптық шендерден, мемлекеттік наградалардан және т. б. айыру көзделген.
Азамат құқық қорғау органына өз еркімен хабарлаған немесе оған қатысты бопсалау орын алған жағдайда ғана пара бергені үшін қылмыстық жауаптан босатылады.
Барлық басқа жағдайларда пара беруші қылмыстық жазаға тартылады.
Өз кезегінде жемқорлық фактісі туралы хабарлаған немесе жемқорлыққа қарсы іс-қимылға өзге де жолмен жәрдем көрсететін адамдарға біржолғы ақшалай сыйақы төленетінін еске саламыз.
242 рет оқылды
