Фото: © Sputnik / Жанна Етекбаева
Ішкі істер министрінің бірінші орынбасары Марат Қожаевтан Алматы облысы Полиция департаментінің бұрынғы басшысы, генерал Серік Күдебаев қалай қашып кеткені сұралды, - деп хабарлайды Tengrinews.kz сайты.
ОКҚ брифингінде журналист қанша тұтқын қамаудан қашқаны, оның ішінде Күдебаевтың қашуы туралы сұрады.
"Бұл жерде түсініктерді шатастырмаңыз. Генерал Күдебаев қамауда болған жоқ және бұл іс бойынша оның бұлтартпау шарасына полиция жауапты емес, ол үшін басқа бұлтартпау шарасы таңдалды. Әңгіме қамаудан қашу туралы болып отыр, мен өз баяндамамда айтқанымдай, 11 деректің жолы кесілді.
Ұмытпасам, биыл елімізде бас бостандығынан айыру орындарынан қашудың үш дерегі тіркеліп, үшеуі де (қашқындар. – еск.) бір тәулікте дерлік анықталып, бас бостандығынан айыру орындарына қайтарылды. Генерал Күдебаев түрмеде болған жоқ", - деп жауап берді Қожаев ОКҚ брифингінде.
820 рет оқылды
