14 тамызда Гаитиде болған жер сілкінісінен мерт болғандар саны 724-ке жетті. Бұл туралы елдің азаматтық қорғау департаменті Twitter-де жазды, деп хабарлайды "Ұлт ақпарат".
«Жер сілкінісінен қаза тапқандардың саны 724-ге жетті. Оңтүстік департаментінде - 500, Гранд-Ансе департаментінде - 100, Нипп департаментінде 122 және елдің солтүстік-батысында екі адам көз жұмды, - делінген хабарламада.
Айта кетейік, сенбі күні Гаити жағалауында қуаты 7,2 балл жер сілкінісі болды. Соңғы мәліметтер бойынша 1800-ден астам адам зардап шеккен.
Республика билігінің мәліметінше, ең көп жарақаттанғандар - Оңтүстік, Гранд-Ансе және Нипп департаменттерінің тұрғындары.
1167 рет оқылды
