Фото: EmiliaUngur/Shutterstock.com
Қазақстанда кейбір дәрі-дәрмек, майлар мен ерітінділер айтарлықтай қымбаттауы мүмкін. Фармацевтер осындай алаңдаушылығын білдірді. Бұл дәріхана өндірісінің ассортиментіне әсер етеді. Қазір елде мұндай кәсіпорын саны - 126. Негізгі мәселе импорттық фармацевтикалық субстанцияларды тіркеу мен сертификаттаудың жаңа талаптарына байланысты болып отыр, - деп хабарлайды Tengrinews.kz агенттігі "Хабар 24" телеарнасына сілтеме жасап.
Оны нормативтік-құқықтық актілерді тексеру барысында тіркеу ұсынылған. Қазір шикізат 99,9 пайызға импортталады. Еуропадан, Қытайдан, Ресейден өндіруші зауыттардың халықаралық сертификаттары бойынша әкелінеді. Алайда жергілікті тіркеу ұзақ әрі қымбат процедура саналады. Әсіресе, заттар аз мөлшерде өндірілетін сирек препараттар үшін қажет болса, осылай жүргізіледі.
"Мұның бәрі күшіне енсе, біз жабыламыз. Жұмыс істей алмаймыз, өйткені Қазақстанда субстанциялардың бағасы ақылға сыймайтындай деңгейде болады. Олар бізге жұмыс істеуге мүмкіндік бермейді. Егер біз әкелінген әрбір затты заңда белгіленген тәртіппен тіркеуіміз керек деп есептесек, онда баға кемінде бес есе артады", - деді фармацевтикалық компания директоры Ольга Цейц.
Алайда Денсаулық сақтау министрлігі өкілі бұл негізсіз алаңдаушылық екенін мәлімдеді.
"Бұл алаңдаушылық негізсіз, өйткені бұл тармақты бизнес қоғамдастыққа да, бізге де, яғни мемлекеттік органға да ыңғайлағымыз келеді", - деді Денсаулық сақтау министрлігінің басқарма басшысы Ерік Құлшанов.
671 рет оқылды
