Қазақстан Республикасы Президенті Әкімшілігінің Басшысы Қошанов Ерлан Жақанұлы Парламент Мәжілісінің депутаты болып тіркелді, деп хабарлайды Орталық сайлау комиссиясының ресми сайты.
"1. Қазақстан Республикасы Парламенті Мәжілісі депутатының бос мандаты Nur Otan партиясы қоғамдық бірлестігінің мүшесі Ерлан Жақанұлы Қошановқа берілсін.
2. Ерлан Жақанұлы Қошанов Қазақстан Республикасы Парламенті Мәжілісінің депутаты болып тіркелсін.
3. Ерлан Жақанұлы Қошановқа белгіленген үлгідегі тиісті куәлік пен омырауға тағатын белгі тапсырылсын", - делінген қаулыда.
Ерлан Қошанов 59 жаста. Ол 2019 жылдан бері Президент Әкімшілігін басқарған. Оның алдында (2017 жылдың наурызынан бастап) Қарағанды облысының әкімі қызметін атқарған. Сондай-ақ, Премьер-министр кеңсесін, Азаматтық авиация комитетін басқарған.
1198 рет оқылды
_80_80.jpg)
