#
#
Cәрсенбі 15/07/2020

«Ер адам баланы ұрламақ болды» - ҚР ІІМ желідегі видеоға жауап берді

  • 29.05.2020
  • 0
  • 285

Дина Таңсәрі есімді Facebook-қолданушысы 18 мамыр күні Павлодарда ер адам ұл баланы ұрлап кетпек болғаны туралы жазған еді. ҚР Ішкі істер министрлігі бұл оқиғаның мән-жайын айтты, деп хабарлайды "Ұлт ақпарат".

«Бұл ақпарат шындыққа сәйкес келмейді. Баланы ұрлау фактісі тіркелген жоқ», - деді ведомстводан. 

Полицияның анықтауынша, 18 мамырда сағат 18.30 шамасында 33 жастағы павлодарлық отбасымен бірге өз көлігімен үйіне қайтып бара жатқан. Донецкая көшесіндегі үйдің ауласында оның қызы өзі күнделікті тамақтандырып, қамқорлық көрсетіп жүрген мысығын көшедегі ұлдардың бірі қабырғаға соққылап жатқанын көрген. Көзімен көрген жайдан қыз бала қатты шошынып, жылай бастаған. 

Осы кезде әкесі көлігін тоқтатып, ұл баланы қуып жетіп, оған ескерту жасаған. Үй жануарын бұлай қинауға болмайтынын айтқан. Кейін көлігіне отырып, кетіп қалған. Болған оқиғаны ұл баланың анасы көріп, полицияға хабар берген. Алайда, тексеру кезінде жасөспірім баланың денесінен ешқандай жарақат анықталмаған.

Әйтсе де 33 жастағы ер адамның үстінен Әкімшілік кодекстің 73-бабы 2-бөлігі бойынша хаттама толтырылып, ол 5 тәулікке қамалды.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар