Соңғы 2 жылда ескірген энергия көздерінің 5 пайызы ғана жаңартылған, деп хабарлайды ҚазАқпарат.
Қазақстанда электр энергиясын тұтыну көлемімен бірге ескірген көздердің саны да артып келеді.
Энергетика вице-министрі Қайрат Рахимов салада осындай проблема бар екенін еске салды.
«Энергия көздерінің басым бөлігі өткен ғасырдың 60-70-ші жылдары іске қосылған. Тиісінше, генерация секторындағы негізгі шығындар оларды жұмыс жағдайында ұстауға бағытталуда. Егер 2018 жылдың қорытындысы бойынша өндіруші қуаттардың тозу деңгейі орта есеппен 58%-дан асса, 2020 жылдың қорытындысы бойынша бұл көрсеткіш 53%-ды құрады. Тұтыну көлемінің өсу серпінін ескере отырып, Қазақстанның электр энергетикалық саласының алдында «пайдалану моделінен» «инвестициялық модельге» ауысу мәселесі тұр» - деді вице-министр орталық коммуникациялар орталығында өткен брифингіде.
Еске салсақ, аталмыш шарада салалық кәсіподақ басшысы білікті кадрлардың Ресейге кетіп жатқаны жайлы мәлімет айтқан болатын.
500 рет оқылды
