Қазақстанда бес жылдан астам уақыттан бері жаңғырту мәселесі шешімін таппай келе жатқан 68 проблемалы кәріздік тазарту құрылыстары бар. Бұл туралы Президент Қасым-Жомарт Тоқаев айтты, - деп хабарлайды Tengrinews.kz агенттігі.
Үкіметтің кеңейтілген отырысы кезінде Тоқаев энергетика және жылумен жабдықтау мәселелері барлық проблема емес екенін атап өтті. Мемлекет басшысы өңірлерде кәріз-тазарту құрылыстарын салу және жаңғырту мәселесі бес жылдан аса уақыт шешілмегенін еске салды.
"Бастапқыда жобаларды МЖӘ тетігі арқылы іске асыру жоспарланған болатын. Алайда, екі жылдан кейін Үкімет бұл идеядан бас тартты. Енді біз бюджеттік қаржыландыру мен қарыздарды тарту туралы айтып отырмыз. Жарияланған жоспарлар ешқашан орындалмады. Енді Үкімет пен әкімдер қуып жетудің орнына жоспарларды төмендету бағытында қайта қарауға шешім қабылдады және 2025 жылға қарай тек жеті жобаны жүзеге асыруды жоспарлады. Ал еліміз бойынша 68 проблемалық кәріз тазарту құрылысы бар", - деді Президент.
676 рет оқылды
