Фото: UGC
Қазақстандық әнші Димаш Құдайберген "Болашақ" халықаралық стипендиясының иегері атанды, - деп хабарлайды "Ұлт ақпарат".
Бүгін «Болашақ» халықаралық стипендиясы иегерлерінің тізімі жарияланды. Республикалық комиссия шешімімен жылдың үшінші легінде стипендия 178 адамға тағайындалды.
Оның ішінде 78 адам әлемнің үздік жоғары оқу орындарының магистратурасына, 6 адам докторантурасына түсті. Сондай-ақ, 110 стипендиат «Тағылымдама» бағдарламасы бойынша біліктілігін арттырады.
Аталған стипендия иегерлері әлемнің 20 мемлекетінде академиялық білім алады және тағылымадаман өтеді. 93 адам АҚШ-тың, 47 адам Ұлыбританияның және т.б. елдердің жоғары оқу орындарында білім алады.
Айта кетейік, биыл Мемлекет басшысының тапсырмасы аясында «Болашақ» бағдарламасын қайта бағдарлау процесі іске қосылды. Басымдық инженерлік-техникалық кадрларды даярлауға беріледі.
1739 рет оқылды
