#
#
Сенбі 31/10/2020

Депутат вице-министр Бюрабекованың қызметтен кетуіне қатысты пікір білдірді

  • 24.09.2020
  • 0
  • 407

Мәжіліс депутаты Ирина Смирнова денсаулық сақтау вице-министрі Людмила Бюрабекованың қызметінен кетуіне қатысты пікір білдірді. Бұл туралы ол Facebook-тегі парақшасында жазды, - деп хабарлайды Tengrinews.kz сайты.

Смирнованың пікірінше, бұрынғы вице-министр өз әрекеті үшін жауап беруі керек. 

Депутат Людмила Бюрабекованы вице-министр болған кезде "отандық фармацевтика өнеркәсібін дамытуға мүмкіндік бермеді, қазақстандық ғалымдардың аспаптары мен препараттарына клиникалық зерттеулер жүргізуге кедергі келтірді" деп айыптады.

Оның айтуынша, Бюрабекова "шетелдік дәрі-дәрмектерді көрші мемлекеттерге қарағанда бірнеше есе қымбат бағамен ұсынған", әрі "зертханалардың бір желісінде ПТР талдаудың бағасын 20 мың теңгеге көтерген".

"Менің ойынша, ол қызметінен жай алынған жоқ. Осы әрекеттері үшін жауап беруі керек", - деп жазды депутат.

Еске салайық, 2020 жылдың сәуірінде Людмила Бюрабекова денсаулық сақтау вице-министрі қызметіне тағайындалған болатын. Ал кеше, 23 қыркүйекте Үкімет қаулысымен Бюрабекова қызметінен босатылған еді.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар