ҚР энергетика министрі Қанат Бозымбаев премьер-министр тарапынан бензинге қатысты айтылған сынға пікір білдірді, - деп хабарлайды "Ұлт ақпарат" kaz.tengrinews.kz порталына сілтеме жасап.
"Мен жоғарғы басшылықтың шешімін талқыламаймын. Ол өз құзыретіндегі шараны қолданды. Талқылайын деген ойым жоқ. Мен презентация жасап, бұл жағдайдан қалай шығу үшін не істеу керектігін көрсеттім. Бензин бағасының өзгеруіне байланысты әртүрлі жанармай бекеттері әр түрлі баға қояды. Біреулер шын пейілмен сатып жатты, ал біреулер ұстап тұрды", - деді Қанат Бозымбаев.
"Егер мен мұнай тапшылығы жоқ десем, яғни мұнай базаларында әлі де қалдықтардың барын айтқаным. Қалдықтар көбейіп жатыр. Мен әр әкімге жанармай бекеттерінде мұнайдың бағасын өсетінін күтпей, ұстап тұруын қойсын деп ескерттім. Бұған жол жоқ, жауапкершілік болады", - деді энергетика министрі.
Ведомство басшысы неліктен бұл жағдайды бензин тапшылығы жоқ деп санайтынын түсіндірді. "Жанармай бекеттері қалдықтарын ұстап, бағаның өсуін күтіп отыр. Бұл қиын жағдай, шыдамдылық керек, бағаны да түсіру қажет. Қарашада бензин екі есе көп болады", - деді Қанат Бозымбаев.
"Мен - министрмін. Менің тағдырым Президенттің қолында. Ол не десе, сол болады", - деді министр.
Еске салайық, Қазақстанның премьер-министрі Бақытжан Сағынтаев Нұрсұлтан Назарбаевтың атына Қазақстанның энергетика министрі Қанат Бозымбаевқа сөгіс жариялау туралы ұсыныс енгізеді.
"Мен мынадай шешім жасаймын. Үкімет мүшелеріне қатысты тәртіптік шараларды ел Президенті қабылдайтындықтан, мен бүгін Мемлекет басшысының атына энергетика министрі Қанат Алдабергенұлы Бозымбаевқа сөгіс жариялау туралы ұсыныс енгіземін", - деді Сағынтаев үкімет отырысында.
2238 рет оқылды
