Фото: Gov.kz
Асхат Кучинчерековтың «Бауырына салу» фильмі Францияда өткен Cinema Heritage фестивалінде арнайы марапат алды, деп хабарлайды Ult.kz.
Бұл фестиваль әлемдік кинематографиялық мұраны сақтау мен насихаттауға бағытталған беделді шаралардың бірі болып саналады және ұлттық кинематографияның дамуына үлес қосып, халықаралық аудиторияның қызығушылығын арттырады.
Фестиваль ұйымдастырушылары қазақстандық фильмді жоғары бағалап, оны ЮНЕСКО аясында қолдау табатын мәдени әралуандықты дәріптейтін маңызды туынды ретінде атап өтті.
Жыл сайын әлемдік киноиндустрияның үздік өкілдерін жинайтын Cinema Heritage фестивалінде қазақстандық фильмнің мойындалуы – Қазақстан киноөндірісінің халықаралық деңгейге жеткенін көрсетеді. Фильм Қазақстанның Мәдениет және ақпарат министрлігі мен «Ұлттық киноны қолдау орталығының» қолдауымен түсірілген.
Сондай-ақ, «Бауырына салу» фильмі халықаралық деңгейде еліміздің атын таныту мақсатында «Оскар» комитетіне ұсынылған.
Айта кетейік, «Бауырына салу» фильмі Бакуде бас жүлде алған болатын.
356 рет оқылды
