Қырғызстан президенттігіне үміткер Омурбек Бабанов Қазақстан Президенті Нұрсұлтан Назарбаевпен өткен кездесуде не туралы сөйлескендерін айтып берді, - деп хабарлайды "Ұлт ақпарат" kaz.tengrinews.kz порталына сілтеме жасап.
"Меніңше, Нұрсұлтан Әбішұлы Назарбаевпен кездесу өткізу - менің ең дұрыс шешімім, - дейді Омурбек Бабанов. - Мен оған аса құрметпен қараймын. Қазақстанда жүргізіліп жатқан реформаларға таңданыс білдіремін, тәуелсіздік жылдары кезінде осындай бүтін елдің негізін салды .Мен барлығына Еуропаға барудың қажеті жоқ екенін айтып, Қазақстанға, ондағы ауыл шаруашылығы саласындағы реформаларға, кәсіпкерлерді қалай қолдайтындатын көріп қайту керектігін айтамын. (...) Біз соңғы кездесуде - мен президенттікке үміткер ретінде болғанда, сондай-ақ, осыған дейін бірінші вице-премьер, премьер-министр болған кезде де біз Нұрсұлтан Әбішұлымен бір ғана нәрсе туралы сөйлесеміз: "Біз бауырлас халықпыз, аталуымыз ғана әртүрлі. Біз біздің халықтарымыз бауырлас қарым-қатынас орнатуы үшін және Қырғызстанда тек тыныштық, тұрақтылық болып, экономикасы дамуы үшін барлығын жасауымыз керек". Ол үнемі осы туралы айтатын".
© akorda.kz
Сонымен қатар, Омурбек Бабанов Қазақстанның Қырғызстандағы сайлауға әсері туралы сөздерге пікірін білдірді.
"Нұрсұлтан Әбішұлымен қандай да бір басқа әңгіме айтылса, ол мені көпшіліктің алдында қабылдамас та еді. Қазір енді былай айтылып жатыр: "Қырғызстандағы сайлау алдындағы науқанға араласу". Нұрсұлтан Назарбаевтың тәжірибесі мол, менің де тәжірибем аз емес. Бұлай болғанда мен оған былай деп айтар едім: "Нұрсұлтан Әбішұлы, мұны көпшіліктің алдына шығармай-ақ қоюға болады". Немесе ол өзі солай айтар еді. Мұндай мәселеге араласатындар, оны көпшілікке көрсетпейді", - деді Бабанов.
Еске сала кетейік, кеше, 12 қазанда Нұрсұлтан Назарбаев кейбір БАҚ-тарда жарияланған Қырғызстан президенттігіне оппозициялық үміткерді қолдайды деген материалдарды жалған деп атаған болатын.
"Мұның бәрі жалған", - деген еді Назарбаев ресейлік президенттің Сочидегі "Бочаров ручей" резиденциясында журналистердің сұрағына жауап беріп.
Айта кетейік, Қырғызстанда президент сайлауы 15 қазанда өтеді. Алмазбек Атамбаевтың президенттік мерзімі 1 желтоқсанда аяқталады. Конституция бойынша ол прзиденттікке қайта сайлауға түсе алмайды. президенттік Социал-демократиялық партиясынан үміткер Сооранбай Жээнбековтың негізгі қарсыласы Омурбек Бабанов.
Қыркүйек айының соңында Қазақстан Президенті мен Бабановтың кездесуінен кейін Қырғызстан мен Қазақстан арасында дипломатиялық дау шыққан болатын. Ресми Бішкек Астананы "халық сайлауына араласуға әрекет жасады" деп айыптады. Ал бұған жауап ретінде ҚР СІМ өкілдері Назарбаевтың одан бұрын дәл осындай екіжақты кездесуді Жээнбековпен өткізгенін және осы кездесуде қазақстандық лидердің "Қырғыз Республикасының президенттігіне қандай да бір үміткерге қолдау білдіріп сөлемегенін" мәлімдеген.
9437 рет оқылды
