29 қыр, 2021 сағат 15:30

Ауыратлет Линдердің өлімінен кейін құрама бапкері қызметтен шеттетілді

Сергей Седов ауыр атлетикадан Қазақстан ерлер құрамасының аға бапкері қызметінен босатылды, - деп хабарлайды "Ұлт ақпарат".

Федерация ұлттық құрама командасы жаттықтырушылар штабының айыпталуына байланысты комиссия құруды ұсынды. Оның құрамына спорт ардагерлері мен сарапшылар енеді.

Ауыр атлетикадан Қазақстан Республикасының мемлекеттік жаттықтырушысы Тапсир Меңдіхан төраға болатын комиссия ұлттық құраманың аға жаттықтырушысы Сергей Седовті қызметінен шеттету туралы шешім шығарды.

"Тергеу барысында комиссия 28 қыркүйектен бастап мән-жай анықталғанша және қызметтік тергеу жөніндегі тәуелсіз комиссия тиісті қорытынды шығарғанға дейін ерлер ұлттық құрамасының аға жаттықтырушысы Сергей Седовты қызметінен шеттету туралы шешім қабылдады", - деп хабарлады федерацияның баспасөз қызметі.

Комиссия құрамына Қазақстан Республикасының еңбек сіңірген қайраткері, I Халықаралық санаттағы спорт төрешісі Стерликов А.А.; I Халықаралық санаттағы спорт төрешісі Соловьева О.; ауыр атлетикадан екі дүркін әлем чемпионы, ҚР спортшылар одағының мүшесі Подобедова С.; ҚР ауыр атлетика федерациясының атқарушы директоры Нуралинов А. Д. енді.

Федерация баспасөз қызметі Алматы облыстық полиция департаменті ауыратлет Альберт Линдердің өліміне қатысты қылмыстық іс қозғағанын еске салды. Осыған байланысты ҚР ААФ тергеуге қажет барлық қолдауды көрсетуге ниетті екені хабарланды.