_48_48.webp)
Астаналық полицейлер қаладағы ломбардтардың біріне шабуылдады деген күдіктілерді ұстады, деп хабарлайды "Ұлт ақпарат" ІІД баспасөз қызметіне сілтеме жасап.
Полицияға жазған шағымында қала тұрғыны ломбардқа шабуылдаған белгісіз тұлғалар 2 млн теңге мөлшерінде ақша және жалпы құны 1,5 миллион теңге болатын бірнеше ұялы телефонды қолды еткенін жеткізді.
Тәртіп сақшылары іс бойынша екі күдіктіні ұстады. Оның бірі - қала тұрғыны, екіншісі - Қостанай облысының тумасы болып шықты.
«Тергеу кезінде күдіктілер айыбын мойындады. Қазіргі кезде ҚР Қылмыстық кодексінің «Ұрлық» бабына сәйкес сотқа дейінгі тергеп-тексеру жұмыстары жүріп жатыр. Ұсталғандар қамауға алынды. Олардың қала аумағындағы осы тақылеттес басқа қылмыстарға қатысы бар-жоғы анықталып жатыр», - делінген хабарламада.
2068 рет оқылды
_80_80.webp)
