Фото: ашық дереккөз
27 шілде күні таңертең тауға шыққан жігіт Медеу ауданында жоғалып кетті. Сағат 23:02-де іздестіру-құтқару жұмыстары басталды, деп хабарлайды Ult.kz.
Жігіт тауда жүрген сәтте ауа райы күрт нашарлап, жаңбыр мен бұршақ жауып, биік тұстарда қар түскен. Қазір іздестіру жұмыстарына секундына 20 метрге дейін жететін қатты жел мен қалың бұлт кедергі келтіруде.
Іздеу «Жастар» шыңы маңында жүріп жатыр. Бірақ әзірге нәтиже жоқ. Оқиға орнына ТЖД, РЖҚЖ мамандары, кинологтар, дрондар және еріктілер тартылған. Мыңжылқы шатқалында жедел штаб құрылды.
652 рет оқылды
