Алматы облысында екі зорлау дерегіне қатысы бар күдікті ұсталды, - деп хабарлайды "Ұлт ақпарат" Ішкі істер министрлігінің Telegram парақшасына сілтеме жасап.
Қонаев полициясына екі жергілікті тұрғыннан арыз түскен. Әйелдер бейтаныс ер адам шабуылдағанын хабарлаған.
Бірінші жағдайда күдікті 40 жастағы әйелді үй тазалауға көмекке шақырған. Кейін оған шабуыл жасап, оның еркінен тыс жыныстық қатынасқа мәжбүрлеген. Екінші оқиғада 41 жастағы әйел ер адамның құрбанына айнала жаздаған.
Екі жәбірленуші де шабуыл кезінде күдіктінің есірткі әсерінен мас күйде болғанын айтқан.
Полиция қызметкерлері күдіктіні ұстаған. Бұл дерек ҚР Қылмыстық кодексінің 120-бабы (Зорлау) бойынша тіркелген. Күдікті қамауға алынған.
1413 рет оқылды
