Оңтүстік Кореядағы шіркеулердің бірінде 300-ден астам қызметкер Covid-19 жұқтырды. Ғалымдар вирус штаммының жұқпалы екеніне дауласуда. Италияда түнгі клубтар жабылды. Бұл туралы ВВС агенттігі хабарлады.
Оңтүстік Корея шіркеуінде індеттің өршуі
Оңтүстік Кореядағы шіркеулердің бірінде 300-ден астам қызметкер коронавирус жұқтырған.
Ел билігі «Саранг Джейл» протестанттық шіркеуінің пасторы Чун Кван Хунға жауапсыздығын және карантиндік шектеулерге бағынбағанын айыптады. Сенбі күні ол адамдарды үкіметке қарсы демонстрацияға қатысуға шақырған. Енді, наразылыққа қатысушылардың барлығына өзін-өзі оқшаулау бұйырылған.
Ағылшын полициясы үйлену тойларын тоқтатты
Жексенбіде Англияның солтүстігінде полиция адамдардың топтасуына байланысты шектеуді бұзғаны үшін екі үйлену тойын тоқтатуға мәжбүр болды.
Ланкашир округіндегі Блэкберн қаласында үйлену тойына 100-ден астам қонақ жиналған. Ал Манчестерде тойға 50-ден астам адам келген. Коронавирустың өршуіне байланысты екі қалада да карантиндік шектеулер енгізілген. Оның ішінде бірге тұрмайтын адамдардың жиналуына тыйым салынған.
Қатаң карантиндік шаралары жоқ Англияның аудандарында үйлену тойындағы қонақтардың саны 30 адамнан аспауы керек.
Ғалымдар D614G штаммының жұқпалы екеніне дауласуда
Малайзия Денсаулық сақтау министрлігі ғалымдар коронавирустың D614G жаңа мутациясын анықтады. Бұл вирустың бастапқы штаммына қарағанда 10 есе көп жұқпалы екеніне сенімді.
Алайда, жұқпалы аурулар жөніндегі сарапшылар бұл сан ешқандай деректермен бекітілмегенін айтады.
D614G мутациясы Уханьда алғашқы коронавирус індетінен кейін көп ұзамай пайда болды. Қазір ол әлемдегі Covid-19-ға оң сынамалардың 97%-ында бар.
Шілдеде ВВС агенттігі вирусологтарға сілтеме жасай отырып, бұл мутацияның басқа штаммдарға қарағанда жұқпалылығы жоғары екендігіне жеткілікті дәлел жоқтығын хабарлады.
Чехияда маска тағу қайта міндеттелді
Чехияда 1 қыркүйектен бастап көлікте және қоғамдық орындарда маска тағу міндеттелді. Бұл елдегі коронавирус жұқтырудың жаңа жағдайларының өсуіне байланысты енгізілді.
Чехия наурыз айында Еуропадағы алғашқы елдердің бірі болып ел тұрғындарына қоғамдық орындарда маска тағуды бұйырған бұлатын. Бірақ жағдай жақсарғаннан кейін бұл ереже біртіндеп жұмсара бастады.
Жапония экономикасының рекордтық құлдырауы
Жапон экономикасы 2020 жылдың екінші тоқсанында қазіргі тарихында ең үлкен рекордтық құлдырауды бастан өткерді. Сәуір-маусым айларында оның ЖІӨ алдыңғы үш аймен салыстырғанда 7,8% төмендеді. Жылдық есеппен алғанда бұл – 27,8%. Тауарлар экспорты төмендеді, шетелдік туристер ағыны тоқтады.
Испаниядағы жаңа шектеулер
Испанияның тағы төрт аймағы Андалусия, Галисия, Кантабрия, Кастилия және Леон коронавирустың жергілікті жерде өршуіне байланысты шектеу шараларын енгізді. Ла Риоха мен Мурсияда жексенбіден бастап карантин енгізілді.
Түнгі клубтар және мейрамханалар түнгі уақытта жабылады. Әлеуметтік қашықтықты сақтау мүмкін болмаған жағдайда көшеде қоғамдық орындарда темекі шегуге тыйым салынады.
Испанияның солтүстігіндегі Басктар елі денсаулық сақтау саласындағы төтенше жағдайды жарияламақ.
Джонс Хопкинс Университетінің мәліметі бойынша, Испанияда пандемия басталғалы бері ауру жұқтырудың 342,8 мыңнан астам жағдайы анықталды, 28,6 мыңнан астамы індеттен қайтыс болды.
Теннисшілер US Open турниріне бармайды
Әйелдер арасындағы әлемнің екінші ракеткасы, румыниялық теннисші Симона Халеп 31 тамызда Нью-Йоркте басталатын АҚШ-тың ашық теннис чемпионатына бармайтынын айтты.
Халептен басқа, USA Today жазғандай, Рафаэль Надаль, Бианка Андрееску, Эшли Барти, Ник Кириос, Ван Цян, Стэн Вавринка, Элина Свитолина және Кики Бертенс жарыстарға қатысудан бас тартты.
Өзге елдердегі жағдай
Перуде тәуліктік коронавирус жұқтырудың жаңа жағдайларының рекордтық саны тіркелді – 10,1 мыңнан астам. Елде пандемия басталғалы бері, ресми статистикаға сәйкес, 525 мыңнан астам адам Covid-19-ға шалдыққан.
Боливияда індетке шалдығу жағдайларының саны 100 мыңнан асты.
Ұлыбританияға Франция, Нидерланд, Монако, Мальта, Теркс және Кайкос аралдары мен Арубадан келгендер осы елдерде коронавирустың өршуіне байланысты екі апта бойы оқшаулануы керек.
Италияда індетке шалдығудың жаңа жағдайларының көбеюіне байланысты түнгі клубтар үш аптаға жабылды. Елдің кейбір аудандарында сағат 18:00-ден таңғы алтыға дейін маска тағу міндеттелді.
Жаңа Зеландия коронавирус инфекциясының жаңа оқиғалары анықталғаннан кейін парламенттік сайлауды кейінге қалдыру туралы шешім қабылдады. Премьер-министр Джасинда Ардерн 19 қыркүйекте өтуі тиіс болған сайлау 17 қазанға ауыстырылғанын хабарлады. Бұған дейін билік елдің ең үлкен қаласы Оклендте карантиндік шектеулер енгізген болатын.
Ал Қытай бір айда бірінші рет елде коронавирус инфекциясының жаңа деректері тіркелмегенін хабарлады. Елде инфекцияның нөлдік көрсеткіші соңғы рет 14 шілдеде болған.
882 рет оқылды
