Джонс Хопкинс Университетінің мәліметі бойынша әлемде коронавирус жұқтырғандар саны 79 миллионнан асты, деп хабарлайды "Ұлт ақпарат".
COVID-19 вирусын жұқтырған 1,7 миллионнан астам адам көз жұмған.
Қауіпті вирус ең көп таралған елдердің көшін АҚШ, Үндістан, Бразилия, Ресей бастап келеді.
Қазіргі кезде АҚШ-та коронавирусты жұқтырған адамдар саны 18 млн адамнан асты.
Еске салсақ, Дүниежүзілік денсаулық сақтау ұйымы өткен аптада коронавирус жұқтыру оқиғаларының саны бойынша жаңа рекорд орнатылғанын айтып, дабыл қақты.
Ұйымның есебі бойынша, соңғы жеті күннің ішінде COVID-19 ғаламшардың 4,6 млн астам тұрғынынан анықталған. Бұл өткен аптамен салыстырғанда 6 пайыз көп.
581 рет оқылды
