Фото: Reuters
АҚШ Ресейді БҰҰ Қауіпсіздік Кеңесінің құрамынан шығару мүмкіндігін зерттеп жатыр. Бұл туралы АҚШ мемлекеттік хатшысының бірінші орынбасары Уэнди Шерман мәлімдеді, - деп хабарлайды Tengrinews.kz.
"Біз қазір барлық амалды қарастырып жатырмыз. Менің білуімше, белгілі ережелердің бұзылуына байланысты БҰҰ Қауіпсіздік Кеңесінің құрамынан мүше елдерді шығаруға мүмкіндік бар. Алайда бұл БҰҰ Жарғысын өзгертуді талап етеді", - деді ол.
Дипломат бұл мәселенің күрделі екенін жеткізді.
"Әрине, бұл оңай шаруа емес. Біз қазір өте маңызды әрі күрделі мәселені қозғап отырмыз. Дегенмен, бүкіл әлем бұл жағдайдың салдары неге әкеліп соғатынын білуі керек", - дейді Шерман.
861 рет оқылды
