Алматы облысының 20 жастағы аруы Нарқыз Айдарова "Қазақ аруы – 2020" атанды, деп хабарлайды Sputnik Қазақстан.
Продюсер Баян Алагөзова ұйымдастыратын байқау биыл 10 рет өтті. Алматыда Республика сарайында өткен байқауға еліміздің түкпір-түкпірінен 19 бойжеткен қатысты. Қатысушылар сұлулық, жоғары интелект, салт-дәстүр және өнерден бақ сынады.
Байқауда Нарқыз Айдарова Абай Құнанбайұлының "Айттым сәлем, Қаламқас" әнін орындады.
Жеңімпаз болған Нарқыз Айдарова бұған дейін режиссер Артем Ганцевтің "Ғазиз жүрек" телесериалына түскен.
І орынды алматылық Аяжан Тойбазар, ІІ орынды Қарағанды қаласының 19 жастағы аруы Аяжан Мүбарак, ІІІ орынды Алматы қаласының 18 жастағы тұрғыны Зере Молдабекова алды.
Сондай-ақ, байқау барысында көрермен Тамара Асар, Айқын Төлепберген, Қуандық Рахым, Айгерім Қалаубаева, "КешYOU" тобының өнерін тамашалады.
1893 рет оқылды
