ҚР Ақпарат және қоғамдық даму министрлігі салалық журналистика мамандарын дайындау бойынша ауқымды жұмыстарды жүзеге асыруда, деп хабарланды ведомствоның Facebook-тегі парақшасында.
Министрлік мәліметінше, 2021 жылы ғана Қазақстанның жетекші жоғары оқу орындарымен бірлескен күш-жігердің арқасында мемлекеттік, сондай-ақ жеке меншік БАҚ-тың 4000-нан астам журналисі еліміздің әлеуметтік-экономикалық өмірінің маңызды салаларын жария ету бойынша тегін оқытудан өткен.
Дайындалған журналистер дезинформацияға қарсы күресте, сондай-ақ қазақстандықтарды жан-жақты объективті ақпараттық ағартуда БАҚ пен әлеуметтік желінің қазақстандық сегментін дамытуға елеулі үлес қосады деп күтілуде.
«Жалпы, қазірдің өзінде республикалық және өңірлік медиа журналистері медицина, этносаралық қатынастар, дін, IT саласы, экология, аграрлық сектор, қаржы және экономика, құқықтану мәселелерін ақпараттық жария етудің қыр-сыры мен ерекшеліктері бойынша оқытудан өтті.
Әл-Фараби атындағы ҚазҰУ, Л.Гумилев атындағы ЕҰУ, С. Асфендияров атындағы ҚазҰМУ, М. Нәрікбаев атындағы КазГЮУ, Халықаралық ақпараттық технологиялар университеті, Халықаралық бизнес университеті, М. Қозыбаев атындағы СКУ университетінің жетекші оқытушылары тренингтер мен семинарлардың коучтары болды», делінген хабарламада.
Ведомствоның мәліметінше, 2021 жылдың қыркүйегінен бастап М. Нәрікбаев атындағы КазГЮУ бастамасымен бакалавриат студенттері үшін «Журналистика: аналитика және тергеулер», сондай-ақ Әл-Фараби Атындағы ҚазҰУ-дың магистратура студенттеріне арналған «Экологиялық журналистика» екі жаңа білім беру бағдарламасы іске қосылды.
Сондай-ақ, министрлік «Медиа дамыту қоры» корпоративтік қоры базасында медиамамандарды оқыту мақсатында мультимедиялық білім беру-ақпараттық платформасын іске қосты.
«Салалық журналистиканы дамыту жоспарының маңызды бөлігі ретінде министрлік, салалық ұйымдар мен салалық кәсіптік одақтар арасында 2021-2023 жылдарға арналған келісім жасалыд. Келісім әлеуметтік-экономикалық және еңбек қатынастарын реттеудің жалпы қағидаттарын, салалық журналистерді даярлау жөніндегі тараптардың өзара міндеттемелері мен жауапкершілігін айқындайды деп күтілуде», делінген хабарламада.
