Өткен тәулікте Қазақстанда коронавирус жұққаны тестпен дәлелденген 777 адам анықталды, 159 адам коронавирус пневмониясына шалдыққан. ПТР-тест коронавирус барын көрсеткен 7 адам, коронавирус пневмониясынан 2 адам қайтыс болған.
Наурыз айынан бері коронавирусы тестпен дәлелденген 139 159 адам тіркелген, 2 112 адам өліп, 122 мыңнан астамы жазылған.
9 желтоқсанда ең көп науқас Нұр-Сұлтаннан шықты (121 адам). Коронавирус бойынша "сары аймақта" тұрған Нұр-Сұлтанда науқас көбейе түскені байқалады. Шығыс Қазақстан облысында - 99, Павлодар облысында - 98, Алматы қаласында - 74, Қостанай облысында - 73, Солтүстік Қазақстан облысында - 72, Ақмола облысында - 66, Алматы облысы - 38, Қарағанды облысы - 30, Батыс Қазақстан облысы - 29, Атырау облысы - 28, Жамбыл облысы - 24, Маңғыстау облысы - 9, Ақтөбе облысы - 5, Түркістан облысы - 5, Шымкент қаласы - 4, Қызылорда облысы 2 адамнан коронавирус инфекциясы анықталған.
Қазақстан 1 тамыздан бері клиникалық белгілері коронавирусқа ұқсас пневмонияға арнайы код беріп, жалпы пневмонияға шалдыққандардан бөлек есептеп келеді. Содан бері 43 498 адамға коронавирус пневмониясы диагнозы қойылған. 4 айдан аса уақыт аралығында 458 адам қайтыс болған. 31 мыңнан астамы жазылған.
Денсаулық сақтау министрлігінің мәліметіне сенсек, Қазақстанда осы уақытта 13832 адам коронавирустан емделіп жатыр.
Ондағы ақпараттарға қарағанда, елдегі стационарларда 3 762 науқас жатыр, 10 070 адам амбулаториялық жағдайда емделуде.
Ресми мәліметке қарағанда, коронавирус жұққаны тестпен дәлелденген науқастар арасында 230 адамның жағдайы ауыр, 41 адамның жағдайы өте ауыр, 44 адам жасанды тыныс аппаратына қосылған.
1118 рет оқылды
