جەزقازعاندا كەرٸز قۇدىعىن تازالاۋ كەزٸندە بولعان قايعىلى وقيعا بٸر ادامنىڭ ٶمٸرٸن جالمادى. تاعى بٸر كوممۋنالدىق قىزمەتكەر اۋىر حەلدە اۋرۋحاناعا جەتكٸزٸلدٸ, دەپ حابارلايدى ult.kz.
وقيعا اباي مەن چەحوۆ كٶشەلەرٸنٸڭ قيىلىسىندا بولعان. الدىن الا مەلٸمەت بويىنشا, «جىلۋ-سۋ شارۋاشىلىعى كەسٸپورنى» اق-نىڭ قىزمەتكەرلەرٸ كەرٸز جٷيەسٸن تازالاۋ جۇمىستارىن جٷرگٸزٸپ جاتقان كەزدە قۇدىق ٸشٸندە قاۋٸپتٸ گاز تارالعان.
سالدارىنان 1982 جىلى تۋعان جۇمىسشى وقيعا ورنىندا كٶز جۇمدى. ال 1986 جىلى تۋعان ەكٸنشٸ قىزمەتكەر ەس-تٷسسٸز كٷيدە اۋرۋحاناعا جەتكٸزٸلٸپ, جانساقتاۋ بٶلٸمٸنە جاتقىزىلعان.
دەرٸگەرلەردٸڭ ايتۋىنشا, زارداپ شەككەن ازامات اۋرۋحاناعا تىنىس الۋ جەتكٸلٸكسٸزدٸگٸ بەلگٸلەرٸمەن ٶتە اۋىر جاعدايدا تٷسكەن. كەيٸن قاجەتتٸ مەديتسينالىق كٶمەكتەن سوڭ جاعدايى بٸرشاما تۇراقتانىپ, پروفيلدٸك بٶلٸمگە اۋىستىرىلعان.
كۋەگەرلەردٸڭ سٶزٸنشە, جۇمىسشىلار بەلگٸسٸز ۋلى زاتتىڭ, بولجام بويىنشا مەتان گازىنىڭ ەسەرٸنە ۇشىراعان. جابىق كەڭٸستٸكتە گازدىڭ جينالۋى ادام ٶمٸرٸنە اسا قاۋٸپتٸ بولعان.
ۇلىتاۋ وبلىسى ەكٸمدٸگٸ وقيعاعا بايلانىستى رەسمي مەلٸمدەمە جاساپ, اتالعان دەرەك بويىنشا قىلمىستىق كودەكستٸڭ 156-بابى 3-بٶلٸگٸمەن ٸس قوزعالعانىن حابارلادى. قازٸر ەڭبەك قاۋٸپسٸزدٸگٸ تالاپتارىنىڭ ساقتالۋى مەن قايعىلى جاعدايدىڭ ناقتى سەبەپتەرٸ تەكسەرٸلٸپ جاتىر.
بۇل وقيعا ٶندٸرٸستٸك قاۋٸپسٸزدٸك مەسەلەسٸن تاعى دا كٷن تەرتٸبٸنە شىعاردى. ماماندار جابىق كەڭٸستٸكتە جۇمىس ٸستەۋ كەزٸندە قاۋٸپسٸزدٸك تالاپتارىن كٷشەيتۋ قاجەتتٸگٸن ايتىپ وتىر.
