بيىل الماتىدا جاز ەرەكشە ىستىق بولۋى مٷمكٸن. سينوپتيكتەردٸڭ بولجامىنشا, ماۋسىم ايىندا اۋا تەمپەراتۋراسى +41 گرادۋسقا دەيٸن كٶتەرٸلٸپ, قالادا جاڭا رەكورد تٸركەلۋٸ ىقتيمال, دەپ حابارلايدى ult.kz.
“قازگيدرومەت” ماماندارى سوڭعى جىلدارى ەكسترەمالدى اۋا رايى قۇبىلىستارى جيٸلەپ كەتكەنٸن ايتادى. وسىعان بايلانىستى بيىل الماتىدا بۇرىن-سوڭدى بولماعان اپتاپ كٷندەر بولۋى عاجاپ ەمەس.
مەتەورولوگييالىق بولجامدار بٶلٸمٸنٸڭ باسشىسى دەۋلەت كٸسەباەۆتىڭ سٶزٸنشە, قالادا كەم دەگەندە بٸر كٷن تەمپەراتۋرالىق رەكورد جاڭارۋى مٷمكٸن. بۇعان دەيٸن الماتىداعى ەڭ جوعارى تەمپەراتۋرا 1983 جىلى تٸركەلٸپ, سىناپ باعانى +43 گرادۋسقا دەيٸن جەتكەن ەدٸ.
سينوپتيكتەردٸڭ ايتۋىنشا, بۇلتتىڭ از بولۋى مەن جەلدٸڭ باياۋ سوعۋى ىستىقتى بۇرىنعىدان دا اۋىر سەزدٸرۋٸ ىقتيمال. مۇنداي كٷندەرٸ الماتىدا اۋا اينالىمى باياۋلاپ, زيياندى قالدىقتار قالا ٷستٸندە جينالىپ قالۋى مٷمكٸن. سونىڭ سالدارىنان مەگاپوليستٸ تٷتٸن تۇمانى باسىپ, اۋا ساپاسى كٷرت ناشارلاۋى عاجاپ ەمەس.
ماماندار تۇرعىندارعا كٷننٸڭ ەڭ ىستىق ۋاقىتىندا دالادا ۇزاق جٷرمەۋگە, كٶبٸرەك سۋ ٸشۋگە جەنە دەنساۋلىققا مۇقييات قاراۋعا كەڭەس بەرەدٸ.
دەگەنمەن سينوپتيكتەر جاز بويى تەك اپتاپ بولمايتىنىن دا ايتادى. شٸلدە مەن تامىز ايلارىندا جاڭبىر جاۋىپ, نايزاعاي ويناپ, ەكپٸندٸ جەل تۇرۋى مٷمكٸن.
