استاناداعى قالامگەرلەر اللەياسىندا بولعان وقيعا ەلەۋمەتتٸك جەلٸدە قىزۋ تالقىلانىپ جاتىر. جۋرناليست, قوعام بەلسەندٸسٸ دٷيسەنەلٸ ەلٸماقىن ٶزٸنٸڭ Facebook پاراقشاسىندا بويجەتكەندەردٸڭ ەسكەرتكٸش ٷستٸنە مٸنٸپ وتىرعان ۆيدەوسىن جارييالادى, دەپ حابارلايدى ult.kz.
ونىڭ جازۋىنشا, وقيعا كەزٸندە ول اللەيادا دەمالىپ وتىرعان. سول سەتتە بٸرنەشە قىزدىڭ تاريحي تۇلعالاردىڭ ەسكەرتكٸشٸنە شىعىپ العانىن كٶرٸپ, ەسكەرتۋ جاساعان.
«قالامگەرلەر اللەياسىندا دەمالىپ وتىر ەدٸم. كەنەتتەن مىناداي كەلەڭسٸز ٸسكە كۋەگەر بولدىم. اشۋ قىسىپ قاسىنا جەتٸپ بارىپ “بۇل تۇلعالاردىڭ كٸم ەكەنٸن بٸلەسٸڭدەر مە?” دەسەم, كٶزدەرٸ ادىرايىپ, “چتو, چتو” دەۋدەن ارى اسپادى. سٶزٸمە دەلەل رەتٸندە ولاردىڭ بۇل توپاستىعىن ۆيدەوعا تٷسٸرٸپ الدىم. ەش ۇيالۋ, كەشٸرٸم سۇراۋ جوق. بۇل باسىنۋ ما ەلدە ناداندىق پا?» – دەپ جازدى ول.
جەلٸ قولدانۋشىلارىنىڭ بٸر بٶلٸگٸ مۇنداي ەرەكەتتٸ مەدەنيەتسٸزدٸك پەن تاريحي تۇلعالارعا قۇرمەتسٸزدٸك دەپ باعالاسا, ەندٸ بٸرٸ جاستاردىڭ تەربيەسٸ مەن قوعامدىق سانا مەسەلەسٸن كٶتەردٸ.
ايتا كەتەيٸك, قالامگەرلەر اللەياسى – قازاق ەدەبيەتٸ مەن رۋحانيياتىنا ەڭبەك سٸڭٸرگەن قالامگەرلەرگە ارنالعان ماڭىزدى مەدەني ورىنداردىڭ بٸرٸ.
