پرەزيدەنت تاپسىرماسى اياسىندا قازاقستان مەكتەپتەرٸندە جاساندى ينتەللەكت تەحنولوگييالارىن ەنگٸزۋ باستالادى, دەپ حابارلايدى ult.kz.
بۇل تۋرالى ٷكٸمەتتەگٸ بريفينگتە وقۋ-اعارتۋ مينيسترٸ جۇلدىز سٷلەيمەنوۆا مەلٸمدەدٸ. ونىڭ ايتۋىنشا, پيلوتتىق جوبا ٷش وقۋ جىلىنا ەسەپتەلگەن جەنە بٸلٸم بەرۋ جٷيەسٸن تسيفرلىق ترانسفورماتسييالاۋعا ارنالعان كەشەندٸ جوسپاردىڭ بٸر بٶلٸگٸ بولادى.
مينيستردٸڭ سٶزٸنشە, جوبا مەملەكەت باسشىسىنىڭ 12 مامىردا قول قويعان جارلىعى نەگٸزٸندە جٷزەگە اسادى. باعدارلاما اياسىندا مەكتەپ ينفراقۇرىلىمىن جاڭعىرتۋ, مۇعالٸمدەردٸ دايارلاۋ جەنە وقۋشىلاردىڭ جەكە دەرەكتەرٸن قورعاۋ باعىتىندا جۇمىستار جٷرگٸزٸلەدٸ.
پيلوتتىق جوباعا ەلٸمٸز بويىنشا 500 مەكتەپ قاتىسادى. ونىڭ ٸشٸندە:
– 100 «كەلەشەك مەكتەبٸ»;
– 150 اۋىل جەنە قالا مەكتەبٸ;
– 250 شاعىن جيناقتى مەكتەپ بار.
مينيستردٸڭ ايتۋىنشا, جوبا ارقىلى جاساندى ينتەللەكتٸنٸ بٸلٸم بەرۋ جٷيەسٸنە ەنگٸزٸپ, اۋىل مەن قالا مەكتەپتەرٸ اراسىنداعى بٸلٸم ساپاسىنداعى ايىرماشىلىقتى ازايتۋ كٶزدەلٸپ وتىر.
سونداي-اق مۇعالٸمدەردٸڭ تسيفرلىق تەحنولوگييالاردى مەڭگەرۋٸنە ەرەكشە نازار اۋدارىلادى. قازٸردٸڭ ٶزٸندە 350 مىڭ پەداگوگ جاساندى ينتەللەكت اسسيستەنتتەرٸن وقۋ پروتسەسٸندە قولدانۋ جەنە تسيفرلىق پەداگوگيكا بويىنشا بٸلٸكتٸلٸكتٸ ارتتىرۋ كۋرستارىنان ٶتكەن.
بۇدان بٶلەك, قازاقستاندا جاساندى ينتەللەكت كٶمەگٸمەن وقۋشىلارعا جەكە باعدارلانعان وقىتۋ جٷيەسٸن ەنگٸزۋ جوسپارلانىپ وتىر.
جۇلدىز سٷلەيمەنوۆا بالالاردىڭ جەكە دەرەكتەرٸن قورعاۋ باستى مەسەلەلەردٸڭ بٸرٸ ەكەنٸن ايتتى. ونىڭ سٶزٸنشە, بۇل باعىتتا ارنايى قۇجات ەزٸرلەنٸپ جاتىر. بولاشاقتا مەكتەپتەردە, بٸلٸم بٶلٸمدەرٸندە جەنە مينيسترلٸكتە جەكە دەرەكتەردٸڭ قاۋٸپسٸزدٸگٸنە جاۋاپتى ماماندار تاعايىندالادى.
مينيسترلٸك مەلٸمەتٸنشە, كەشەندٸ جوسپار 2026-2029 جىلدارعا ارنالعان. ال پيلوتتىق كەزەڭ 2026-2027 وقۋ جىلدارىن قامتيدى.
بريفينگ بارىسىندا جۋرناليستەر مەكتەپتەردە قاعاز وقۋلىقتاردىڭ ورنىنا پلانشەتتەر ەنگٸزٸلە مە دەگەن سۇراق قويدى. مينيستر بۇل مەسەلە ەزٸرگە قاراستىرىلىپ جاتقانىن ايتتى.
