سوڭعى ايلاردا جارقىن بولاشاققا ۇمتىلعان مەكتەپ وقۋشىلارىندا جٷكتەمە كٶپ. بٸرەۋلەرٸ نازارباەۆ ينتەللەكتۋالدىق مەكتەبٸنە ٸرٸكتەلۋدەن ٶتتسە, مەكتەپ تٷلەكتەرٸ ۇبت تاپسىردى. ەلەۋمەتتٸك جەلٸدە جوعارعى بالل جيناپ قۋانىپ جاتقان دا, ٸرٸكتەۋدەن ٶتە الماي ساعى سىنىپ جاتقان دا بالالاردىڭ ۆيدەوسى تارادى.
كەي اتا-انا بالاسىنىڭ جارقىن بولاشاق كەپٸلٸن نيم سيياقتى مەكتەپتەرمەن بايلانىستىرىپ, بالانى كٶپ جىل ارنايى دايىندايدى. ۇبت-دان قاجەت باللىن جيناپ, گرانت ۇتۋ كەي اتا-انا ٷشٸن وتباسىنىڭ ماتەريالدىق جٷگٸن جەڭٸلدەتۋدٸڭ نەگٸزگٸ امالى دەپ قاراستىرىلادى. ەرينە بۇل جەردە اتا-انانىڭ دا, بالانىڭ دا كٶپجىلعى ەڭبەگٸ, تالابى بار.
سونىمەن بٸرگە كٶپجىلعى قىسىم, باقىلاۋدى دا جوققا شىعارا المايمىز. مۇندايدا مىقتى كٶرسەتكٸشتەردٸ تالاپ ەتەتٸن اتا-انا بالاعا ماحابباتتى جەتٸستٸكتەرٸنە ساي بەرٸپ وتىرادى. جەتٸستٸك پەن مىقتى كٶرسەتكٸشتەر وتباسىنىڭ جالعىز قۇندىلىعى بولىپ, بالا ٷنەمٸ ٸشكٸ قىسىمدا ٶمٸر سٷرەدٸ, ٶز قالاۋىن ايتۋدان قالادى.
ەندٸ بٸر اتا-انا "بالام باقىتتى بولسا بولدى, ٶز جولىن تابادى" دەپ ونىڭ بولاشاعىنا قاتىستى جاعدايلاردى ەلەۋسٸز قالدىرادى. بالانىڭ ٶز قالاۋىن تانۋى, اتا-انامەن قابىلدانۋى, قاتەلٸك جاساۋدان قورىقپاۋى – بەرٸ جاقسى. بٸراق قاجەت سەتتەردە اتا-انانىڭ باقىلاۋىنسىز قالاتىن بالا شەك پەن شەكارانى اجىراتا الماي, جاۋاپكەرشٸلٸك دەگەندٸ بٸلمەي ٶسۋٸ مٷمكٸن.
ابزالىندا
بالا تەربيەسٸندە, ونىڭ بٸلٸمٸنە, بولاشاعىنا قاتىستى سەتتەردە بالانس, ەرقايسىنا جەكە ىڭعاي كەرەك. كەي اتا-انا "باقىتتى بالا باقىلاۋسىز بولۋى كەرەك" دەپ تٷسٸنەدٸ. بٸراق بالانىڭ ٶمٸرٸندە تەرتٸپتٸڭ, جاۋاپكەرشٸلٸكتٸڭ, بەسەكە ورتاسىنىڭ بولۋى ول – باقىتسىز ٶسٸپ جاتىر دەگەندٸ بٸلدٸرمەيدٸ.
كەي اتا-انا بالانى ٷنەمٸ باقىلاۋدا ۇستايمىن دەپ, ونى جىلۋلىقتان, ماحابباتتان ايىرادى. بٸراق بالانى كەز كەلگەن نەتيجەسٸمەن قابىلداۋ, بالانىڭ دا داۋىسىن تىڭداۋ ەڭ الدىمەن ٶزٸنٸڭ ادام, پەرزەنت رەتٸندە قۇندى ەكەنٸن كٶرسەتەر ەدٸ.
ەڭ باستىسى كٶرسەتكٸش – نە قازٸر سٸزدٸڭ جانىڭىزدا باقىتتى, نە ەردايىم جەڭٸمپاز بالا ەمەس, بولاشاقتا اتا-اناسى جانىندا بولماسا دا ٶزٸن ٶزٸ جٸگەرلٸندٸرە الاتىن, قۇلاسا دا قايتا اياققا تۇرا الاتىن ٸشكٸ تٸرەگٸ مىقتى پەرزەنت تەربيەلەۋ ەكەندٸگٸن ەستەن شىعارمايىق.
دينارا بولات
