قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ەلدەگٸ تٶمەن كٶمٸرتەكتٸ دامۋعا كٶشۋ جۇمىستارىن باياندادى, دەپ حابارلايدى قازاقپارات.
«بيىل جاڭا ەكولوگييالىق كودەكس قابىلداندى. مۇنىڭ ٶتە زاماناۋي جەنە رەفورماتورلىق قۇجات ەكەنٸن ايتقىم كەلەدٸ. راسىندا دا ٶتە مازمۇندى كودەكس شىقتى. ونداعى بارلىق نوۆەللالاردى ساپالى جەنە ۋاقتىلى جٷزەگە اسىرا الساق, وڭ ٶزگەرٸستەردٸ كٶرەمٸز. ەكولوگييالىق كودەكستە بەلگٸلەنگەن بارلىق نورمالار بٸرٸنشٸ كەزەكتە تازا اۋا, قالدىقتاردى قايتا ٶڭدەۋ سيياقتى ٶزەكتٸ مەسەلەلەردٸ شەشۋگە باعىتتالعان. كليماتتىق ٶزگەرٸستەر پروبلەماسىنا ورالساق, مۇندا باسقاشا جۇمىس ٸستەۋ كەرەك. تٶمەن كٶمٸرتەكتٸ دامۋعا كٶشۋ قاجەت», - دەدٸ ماعزۇم مىرزاعاليەۆ حالىقارالىق جاسىل تەحنولوگييالار جەنە ينۆەستيتسييالىق جوبالار ورتالىعىندا ٶتكەن جاستارمەن كەزدەسۋدە.
ەكولوگييا مينيسترٸ ٶتكەن جىلى 2050 جىلعا دەيٸنگٸ تٶمەن كٶمٸرتەكتٸ ەكونوميكا تۇجىرىمداماسىن دايىنداۋ بويىنشا بەلسەندٸ جۇمىس باستالىپ كەتكەنٸن ەسكە سالدى.
«بۇل ٶتە كٷردەلٸ جەنە قيىن جۇمىس. بٸزدٸڭ بارلىق ەنەرگەتيكامىزدىڭ 70% - كٶمٸرگە تيەسٸلٸ. سەيكەسٸنشە, كٶمٸردەن باس تارتۋ وڭاي ەمەس. بۇل قارجىلىق سالىمدى قاجەت ەتەتٸن قيىن مٸندەت. بٸراق بۇل مەسەلەلەردٸ شەشۋٸمٸز كەرەك جەنە 2050 جىلعا دەيٸن تٶمەن كٶمٸرتەكتٸ ەكونوميكاعا اۋىسىپ, 2060 جىلعا قاراي – كٶمٸرتەكتٸ بەيتاراپتىق دەپ اتالاتىن بٸرقاتار ەلدەرگە قوسىلۋىمىز كەرەك», - دەپ اتاپ ٶتتٸ مىرزاعاليەۆ.
ايتا كەتەيٸك, قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ دٷنيەجٷزٸلٸك قورشاعان ورتانى قورعاۋ كٷنٸ قارساڭىندا ەكوۆولونتەرلەرمەن, ەكولوگييالىق فاكۋلتەتتەردٸڭ ستۋدەنتتەرٸمەن كەزدەستٸ جەنە قازاقستانداعى باستى ەكولوگييالىق پروبلەمالار تۋرالى ايتىپ بەردٸ.
