Фото: sk.kz
Энергетика министрі Алмасадам Сәтқалиев Үкімет жылу беру маусымына дайындық мәселесін ерекше бақылауда ұстап отырғанын мәлімдеді, деп хабарлайды Sputnik Қазақстан.
"Жылу беру маусымына дайындық жоспар бойынша жүріп жатыр. Басты және проблемалық нысандар қысқа дайын болады. Біз үшін бастысы – жылыту маусымы басталғанда азаматтардың пәтеріне, коммуналдық-тұрмыстық секторға жылудың берілуі. Сол себепті тек энергиялық нысандар ғана емес, тиісті магистральдық тарату желілері де жөнделіп жатыр", - деді Сәтқалиев Парламент кулуарында.
Министр жөндеу жұмыстары кестеге сай жүріп жатқанын атап өтті.
"Жөндеу жұмыстары уақытында аяқталып, қазандықтар мен турбиналар, қосалқы жабдық мерзімінде дайын болуы үшін министрлік пен жергілікті атқарушы органдар бақылау жасайды", - деп сендірді ведомство басшысы.
873 рет оқылды
_140_110.webp)
