© Жетісу облысында әйелімен ұрсысып қалған ер адам 8 айлық нәрестені тартып алып, жасырын жерде ұстап отыр. Тәртіп бұзушы ұсталды. Ал сәбиді екі қаланың полицейлері іздеуге кірісті, деп хабарлайды Sputnik Қазақстан.
Бұл оқиға туралы ақпарат "НеМолчи.кз" қорының әлеуметтік желідегі парақшасында жарияланды. Дина Тәңсәрінің айтуынша, жас келіншек 8 айлық ұлын таба алмай жатыр. Оны әкесі жасырын жерде ұстап отыр. Бұған дейін ер адам әйелі мен енесін ұрғаны үшін 15 тәулікке әкімшілік қамауға алынған болатын.
"Сәби табылмай жатыр. Оны бір жерге тығып қойған. Қаскелең мен Талдықорған полициясын, прокуратураны және балалар омбудсменін тиісті шара қабылдап, нәрестені анасына қайтарып беруді сұраймыз", - дейді Таңсәрі.
Жетісу облыстық полиция депаратменті ер адамның қамауға алынғанын растады. 31 тамызда Қаскелең қаласының 39 жастағы тұрғыны 15 тәулікке әкімшілік қамаққа алынды.
"Ол Талдықорғанда тұратын 33 жастағы әйелі мен енесіне қатысты Әкімшілік құқық бұзушылық кодексінің 73-1 бабы (Денсаулыққа қасақана жеңіл зиян келтіру) бойынша жасаған құқық бұзушылық әрекеті үшін ұсталған болатын", - дейді полицейлер.
Ал қыркүйектің басында әйелі Талдықорған қалалық полиция бөліміне арыз түсіріп, 8 айлық сәбиін тауып беруді сұрады. Оның айтуынша, 12 тамызда күйеуі жанжал шығарып, сәбиді алып кеткен.
Қазіргі кезде нәрестені Талдықорған мен Қаскелен полицейлері іздестіріп жатыр.
605 рет оқылды
_140_110.webp)
