14 нау, 2022 сағат 10:29

Желіде Қадыровтың Киевтегі әскери іс-қимыл аймағында жүрген видеосы тарады

"Грозный" телеарнасы Telegram-арнасында және RT телеарнасы 13 наурызда Шешенстан басшысы Рамзан Қадыровтың болжам бойынша Украинадағы әскери қақтығыс аймағында жүргені туралы видео жариялады, - деп хабарлайды Tengrinews.kz.

Видеода әскерилер Шешенстан басшысына жағдай туралы баяндап, шабуылдың мән-жайын айтып жатыр.

"Сіз бізге көрсеткен стратегия 100 пайыз жұмыс істеді", - деді әскерилердің бірі.

Сонымен қатар, видеода Қадыров: "Біздің мақсатымыз - Киевті басып алу" деп айтып жатқаны көрсетілген.

Роликте Қадыров нақты Украинада жүргені не әскерилермен кездесіп жатқаны нақты айтылмайды. Яғни түсірілім жасалған жер белгісіз.

Украиналық БАҚ-тар барлау қызметтеріне сілтеме жасап, видео Украинада түсірілгенін жазды.

БАҚ-та Қадыров Киевте жүргені туралы ақпарат тарағаннан кейін Зеленскийдің кеңсе басшысының кеңесшісі Алексей Арестович егер бұл ақпарат расталса, "қосалқы күш қондырғысы оның (Қадыровтың - еск.) көзін жоятынын" мәлімдеді.

Арестовичтің мәлімдемесіне Шешенстан басшысы Telegram-арнасында жауап берді.

"Неге "егер"? Видеоны көрмедің ба, әлде үйіңнің есігін қағайын ба?", - деп жазды Қадыров.

Артынша, Қадыров Желіде тараған видеода Гостемелде (Киев маңындағы ауыл) жүргенін айтты.

"Жақында сендерден 20 шақырым жерде болдым... ал қазір одан да жақынмын. Қаншалық жақын екенімді тауып көріңдерші", - деп жазды Шешенстан басшысы.