Мемлекет басшысы жас кезінде журналист болғысы келгенін айтты, деп хабарлайды "Ұлт ақпарат".
«Сізді бірнеше кітаптың авторы ретінде танимыз. Тағы кітап жазу жоспарыңызда бар ма? Егер бар болса, онда қандай тақырыпта жазасыз?» - деп сұрады «Казахстанская правда» газетінің тілшісі ҚР президенті Қасым-Жомарт Тоқаевтан Ақордадағы брифинг барысында.
«Иә, мен көп кітап жаздым. Олар тек Қазақстанда ғана емес, шет елдерде де танымал болды. Негізі мен жазғанды, қолыма қалам ұстағанды жақсы көремін. Айтпақшы, мен бала күнімде журналист болуды армандадым. Бірақ олай болмады. Дипломат болдым. Ал, жоспарға келетін болсам, қазір менің шығармашылық жанрда жазатын уақытым жоқ. Бірақ зейнетке шыққанда мен кітап жазамын. Оның аты «Бұл қалай болды?» немесе «Өткен мен келешек арасында» деп аталатын болады», - деді Мемлекет басшысы.
Айта кетейік, Қасым-Жомарт Тоқаев сайлау барысында кандидаттардың барлығына анық мүмкіндіктер жасалғанын айтқан болатын. Сонымен қатар, Мемлекет басшысы ұлықтау рәсімінің қашан өтетінін айтты. Сондай-ақ, Президент Үкімет отставкаға кетпейтінін, бірақ кадрлық тағайындау болатынын ескертті. Ол билік транзиті жайлы пікірін білдірді.
1580 рет оқылды
