Жапония Үкіметінің бас хатшысы Хирокадзу Мацуно Токиода өткен баспасөз мәслихатында бұрынғы Премьер-министр Синдзо Абэнің қауіпсіздігін қамтамасыз етуде "проблемалар болғанын" мойындады, деп хабарлайды Sputnik Қазақстан.
"Осындай ауыр оқиғаға байланысты біз полицияның іс-әрекетінде ғана емес, Жапонияның полиция басқармасы деңгейінде де қауіпсіздікті қорғауда проблемалар болғанын мойындаймыз", - деді Мацуно.
Жапонияның бұрынғы Премьер-министрі Синдзо Абэ қастандық жасалғаннан кейін қайтыс болды. Саясаткер 67 жаста еді. Синдзо Абэге жергілікті уақыт бойынша сағат 11.30-да Жапонияның Нара қаласында көшеде өнер көрсету кезінде қастандық жасалды.
Қылмыскер деп танылған 41 жастағы Тэцуя Ямагами саясаткердің артынан шамамен 10 метр қашықтықтан екі рет оқ атқан. Шабуыл кезінде ол оң жақ мойнына оқ жарақатын алған соң қан кеткен. Сонымен қатар сол жақ кеуде аймағынан жарақат алып, көп мөлшерде қан жоғалтқан. Полиция жарақат алғаннан кейін Абэ бірден ес-түссіз болғанын жеткізді.
Бірақ тасымалдау кезінде оның жағдайы ауыр болып, көп қан жоғалтқандықтан қайтыс болғанын мәлім етті.
Бұрынғы Премьер-министрдің жақындары, достары мен серіктері үшін қоштасу 11 шілдеде Токиодағы Дзодзёдзи буддисттік ғибадатханасында өтеді.
684 рет оқылды
