Бұл туралы Украина президенті Владимир Зеленский айтты, деп хабарлайды ҚазАқпарат ресейлік ТАСС агенттігіне сілтеме жасап.
Ол Еуропалық комиссияның басшысы Урсула фон дер Ляйенмен, Польша президенті Анджей Дудамен, Люксембург Премьер-Министрі Ксавье Беттельмен сөйлескенін хабарлады.
«Өзара түсіністік 100% - ға артты. Израиль Премьер-Министрі (Нафтали) Беннетпен әңгіме де бұл соғысты тезірек және адал аяқтау үшін келіссөздер жүргізудің бір бөлігі ретінде маңызды болды. Біздің делегация Ресей тарапымен келіссөздерде де осы бағытта жұмыс істеді. Маған хабарланғандай әзірге жаман емес, бірақ біраз көрейік. Ертең жалғасады», - деді Зеленский.
Дүйсенбіде онлайн форматта Ресей мен Украина делегациялары арасындағы келіссөздер өтті. Украина президенті кеңсесі басшысының кеңесшісі Михаил Подоляктың айтуынша, Ресей Федерациясы мен Украина делегацияларының келіссөздерінде сейсенбіге дейін техникалық үзіліс жасалды.
24 ақпанда Ресей президенті Владимир Путин Донбасс республикалары басшыларының көмек сұраған үндеуіне жауап ретінде Украинада арнайы әскери операция жүргізілетінін хабарлады. Ол Мәскеудің жоспарларында Украина аумақтарын оккупациялау жоқ екенін, мақсат елді демилитаризациялау және ұлтсыздандыру екенін атап өтті.
689 рет оқылды
