ҚР Премьер-министрі Асқар Мамин ветеринариялық дәрігерлерді азаматтық қызметшілер лауазымдарының санатына енгізу туралы пікір білдірді, деп хабарлайды "Ұлт ақпарат".
«Қазіргі уақытта «Ветеринария туралы» ҚР Заңы 11-бабының 4-тармағына және «Мемлекеттік мүлік туралы» ҚР Заңының 134-бабы 2-тармағы 18) тармақшасына сәйкес жергілікті атқарушы органдардың мемлекеттік ветеринариялық ұйымдары ҚР заңнамасында белгіленген тәртіппен мемлекеттік коммуналдық кәсіпорындар нысанында да, мемлекеттік коммуналдық мекемелер нысанында да (мысалы, Маңғыстау облысында) жұмыс істейді. Осылайша, ЖАО мемлекеттік ветеринариялық ұйымдарының ұйымдық-құқықтық нысанын облыстардың, республикалық маңызы бар қалалардың, астананың ЖАО дербес айқындайды», - деп жазды Асқар Мамин депутаттық сауалға берген жауабында
Оның айтуынша, заңнамаға сәйкес ЖАО мемлекеттік ветеринариялық ұйымдарының ветеринариялық дәрігерлері ЖАО мемлекеттік ветеринариялық ұйымдарын мемлекеттік коммуналдық мекемелер нысанында құрған жағдайда азаматтық қызметшілерге жатқызылуы мүмкін.
«Азаматтық қызметшілер (білікті жұмысшыларды қоспағанда), мемлекеттік бюджет қаражаты есебінен ұсталатын ұйым қызметкерлері лауазымдарының функционалдық блоктар бойынша жіктелімі және азаматтық қызметшілерге, мемлекеттік бюджет қаражаты есебінен ұсталатын ұйым қызметкерлеріне, қазыналық кәсіпорындар қызметкерлеріне еңбекақы төлеу жүйесі ҚР Үкіметінің 2015 жылғы 31 желтоқсандағы № 1193 қаулысымен айқындалған. Бұл ретте, лауазымдардың бекітілген жіктелімі қызмет саласына, біліміне, біліктілік деңгейіне, орындалатын жұмыстың күрделілігіне және жауапкершілік дәрежесіне байланысты басқарушылық, негізгі, әкімшілік және қосалқы персоналдардан құралған.
Осыған байланысты қолданыстағы заңнамаға сәйкес, ЖАО мемлекеттік ветеринариялық ұйымдарының дәрігерлері ЖАО мемлекеттік ветеринариялық ұйымдарын мемлекеттік коммуналдық мекемелер нысанында құрған жағдайда, оларды лауазымдардың бекітілген жіктеліміне қосымша қоспай-ақ, азаматтық қызметшілерге жатқызылуы мүмкін», - дейді А. Мамин.
884 рет оқылды
_80_80.jpg)
