Украина мен Ресей кейбір алаңда қақтығысты тоқтатуға келісті
Ресей мен Украина делегациясының келіссөзі аяқталды. Украина президенті кеңсесінің кеңесшісі Михаил Подоляк үшінші раунд болатынын айтты, - деп хабарлайды Tengrinews.kz агенттігі "Известия" порталына сілтеме жасап.
Тараптар жақын арада гуманитарлық дәліздер ұйымдастырады, осыған байланысты бірқатар алаңда қақтығыс тоқтайды.
"Осы мақсатта жақын арада арнайы байланыс және өзара іс-қимыл арналары ұйымдастырылады және тиісті логистикалық рәсімдер құрылады", - деді Подоляк.
Оның айтуынша, тараптар жақын арада келіссөздерді қайта бастауға келісті.
Ресей президентінің көмекшісі Владимир Мединскийдің сөзінше, тараптар "ұстанымдар бойынша түсіністікке қол жеткізе алды".
"Украина тарапымен келіссөздер аяқталды, онда біз барлық үш мәселені егжей-тегжейлі талқыладық: әскери мәселе, халықаралық гуманитарлық мәселе және үшінші мәселе - жанжалды саяси реттеу мәселесі. Ұстанымдар айқын, олар жеке-жеке жазылады. Олардың бір бөлігі бойынша бір шешімге қол жеткізілді", - деді Мединский.
1393 рет оқылды
