АҚШ президенті Дональд Трамп мемлекет басшысы болып сайлануына байланысты 5 млрд доллардан айырылғанын айтты, деп хабарлайды NBC телеарнасы.
Трамп бизнесмендік мансабын тоқтатқалы бері ала алмай қалған табыстарын, сондай-ақ өзіне білдірілген шағымдармен айналысқан адвокаттарға кеткен қаражаттарды осылай бағалаған.
«Президент болуыма байланысты шамамен үш-бес миллиард доллардан айырылдым. Бірақ маған бәрібір, мені ол қызықтырмайды. Президент болғанымның өзі мен үшін бақ-дәулет», - деді Трамп.
NBC телеарнасының хабарлауынша, Трамптың осыншама қаржыдан айырылып отырғанын анықтау мүмкін емес. Айта кетейік, Forbes журналының наурыз айындағы дерегі бойынша, Трамп активтерінің жиынтық құны шамамен 3,1 млрд доллардың айналасында.
1124 рет оқылды
