01 мау, 2023 сағат 15:51

"Терезеден шығып кеткен". Дәрігерлер жүргізушінің жағдайын айтты

видео кадры

Дәрігерлер Алматы маңында жантүршігерлік жол апатына ұшыраған Mercedes жүргізушісінің жағдайын айтты, - деп хабарлайды Tengrinews.kz сайты.

Дәрігерлердің айтуынша, 20 жастағы жігіт екі аптадан аса уақыт жансақтау бөлімінде жатқан. Ол көптеген жарақат алғаны айтылды.

"Науқас бізге 19 мамырда таңғы сағат 06:41-де түсті. Диагноз:

ауыр аралас жарақат;
жабық бассүйек-ми жарақаты;
ауыр ми жарақаты;
сол жақ төбе-самай сүйектің сызық сынуы;
оң жақ маңдай-самай бөліктегі гематома;
сол жақ төбе-самай-маңдай бөліктегі пневмоцефалия бар гематома;
екі жарты шардың көгеруі;
оң жақ жоғарғы жақтың ығысуы және сынуы;
оң жақтағы орбитаның төменгі бөлігінің сынуы;
мұрын сүйектерінің ығысып сынуы;
екі жақтағы параорбитальды гематома;
сол жақтағы және иектегі көгерген-жарылған жаралар;
сол жақтағы және бетіндегі көптеген көгеру;
сол жақтағы тері астындағы гематома;
сол жақта жабық кеуде жарақаты;
травматикалық шок.

Түскен кездегі шағымдары қан аралас құсу, жүрек айнуы, бас айналуы және жалпы әлсіздік, қайталанатын лоқсу", - дейді дәрігерлер.

Фельдшердің айтуынша, жүргізуші "Таң шолпан" дүкені кіреберісіне соғылған, кейін Талғар қалалық орталық аудандық ауруханасының жедел жәрдем бөліміне жеткізілген.

"1 маусымда науқас ата-анасының талабы бойынша басқа емханада емделу үшін шығарылды", - деп қосты дәрігерлер.