Қытай Халық Республикасының төрағасы Си Цзиньпин Қазақстанға мемлекеттік сапармен келеді. Бұл туралы Cыртқы істер министрлігінің ресми өкілі Айбек Смадияров мәлімдеді, деп хабарлайды "Ұлт ақпарат".
"Қазақстан Президенті Қасым-Жомарт Тоқаевтың шақыруымен 14 қыркүйекте ҚХР төрағасы Си Цзиньпиннің Қазақстанға мемлекеттік сапары жоспарланған. Сапар барысында мемлекет басшыларының екіжақты келіссөзі өтеді деп жоспарланып отыр", - деді Смадияров.
Сондай-ақ, ынтымақтастықтың түрлі бағыттары бойынша екіжақты құжаттарға қол қойылады.
Сапар мәңгілік жан-жақты стратегиялық әріптестікті одан әрі тереңдетуге, Қазақстан мен Қытай арасында саяси, сауда-экономикалық және мәдени-гуманитарлық ынтымақтастықты дамытуға бағытталған.
"Бұл сапар Қытай басшысы Си Цзиньпиннің коронавирус пандемиясы басталғалы бері алғашқы шетелдік сапары болатынын атап өткен жөн", - деді СІМ өкілі.
1070 рет оқылды
