"Самұрық-Қазына" қорды реформалау жоспарын жариялады, - деп хабарлайды Tengrinews.kz агенттігі.
"Жоспар кадр саясатын, сатып алу жүйесін өзгерту бойынша жүйелі шараларды, қор мен портфельдік компаниялардың корпоративтік әлеуметтік жауапкершілігін арттыру, бизнесті қолдау, комплаенс-сервис процестерін жетілдіру, дивидендтік және инвестициялық саясатқа жаңа тәсілдер, активті басқару, жекешелендіру және адами капиталды дамыту жөніндегі бастамаларды көрсетеді", - делінген ресми хабарламада.
Қор жоспарды іске асыру мыналарды қамтамасыз етеді деп күтеді:
- мұнай өңдеу нарықтарына қатысушылар үшін қор портфелі компаниялары тарапынан ашық тетіктерді енгізу және кедергілерді жою, мұнай және мұнай өнімдерінің маркетингі, газ нарығын дамыту, көмір және электр энергиясын жеткізу, инфрақұрылымға қолжетімділік, вагондарды жеткізу, телекоммуникациялар;
- бірінші кезеңде өндірістік персоналдың жалақысын орташа салалық деңгейге дейін арттыру;
- тікелей әрекет ету нормалары бар мемлекеттік органдармен және бизнеспен келісілген сатып алудың жаңа бірыңғай ережелерін енгізу;
- отандық тауар өндірушілердің үлесін 78 пайыздан 85 пайыздан астамға дейін ұлғайту;
- үкіметтің тапсырмасы бойынша іскерлік серіктес ретінде бизнес сұраныстарына сәйкес жаңа өндірістерді, импортты алмастыратын өндірістерді дамыту бойынша инвестициялық жобаларды жүзеге асыру.
966 рет оқылды
