Қазақстан мектептерінде жаңа оқу жылынан бастап "Патриотизм және жаһандық құзыреттер" курсы пайда болады.
БҒМ баспасөз қызметінің мәліметінше, 5-11 сыныптарда "Патриотизм және жаһандық құзыреттер" курсы факультатив форматында оқытылады.
Курс мынадай модульдерден тұрады:
- "Қаржылық сауаттылық және кәсіпкерлік негіздері",
- "Азаматтық",
- "Парасаттылық пен әдеп",
- "Экология мәдениеті",
- "Сыни тұрғыдан ойлау",
- "Зайырлылық және дінтану негіздері",
- "Медиа сауаттылық".
Сыныптар мен жас ерекшеліктеріне қарай балалар осы бағыттар бойынша оқытылады.
Сондай-ақ, Ы.Алтынсарин атындағы Ұлттық білім академиясының баспасөз қызметі хабарлағандай, жаңа оқу жылында математика бойынша оқу жүктемесі 1 сағатқа ұлғайтылады: бірінші сыныптарда – 2022-2023 оқу жылында, ал екінші сыныптарда – келесі оқу жылында. Осылайша бұл сыныптарда математика сабағы әр күн сайын өтеді. Бұл оқушылардың математикалық сауаттылығын арттыруға септігін тигізеді.
Бұдан бөлек, "Көркем еңбек" пәні екі пәнге бөлінеді: "Еңбекке баулу" және "Бейнелеу өнері".
11126 рет оқылды
