Парламент Мәжілісінің жаңа төрағасы сайланды

Ерлан Қошанов Мәжілістің жаңа спикері болып сайланды. Депутаттар оның кандидатурасын бірауыздан қолдап дауыс берді, - деп хабарлайды "Ұлт ақпарат".

"ҚР Парламенті Мәжілісінің жаңа сайланған Төрағасы - Ерлан Жақанұлы Қошанов", деп жазды өзінің Facebook парақшасында Президенттің баспасөз хатшысы Берік Уәли.

Айта кетейік, Ерлан Қошанов Нұрлан Нығматулиннің орнына келді. Бүгін Орталық сайлау комиссиясы Нығматулиннің өтініш беруіне байланысты оның өкілеттігін мерзімінен бұрын тоқтатуға ұсыныс енгізді.

Ерлан Жақанұлы Қошанов 1962 жылы Қарағанды облысында туған. 

1984 жылы Қарағанды политехникалық институтын бітірген. Ал, 1999 жылы Қазақ мемлекеттік басқару академиясын бітірді.

Институт бітірген соң Жезқазған кен-металлургия комбинаты байыту фабрикасының слесары, шебері болып істеді.

1988-1990 жж. – жұмыскер және ауыл жастары бөлімінің нұсқаушысы, Қазақстан ЛКЖО Жезқазған облыстық жастар проблемаларының әлеуметтік-экономикалық бөлімінің меңгерушісі.

1990-1995 жж. – Жезқазған облыстық комитетінің сыртқы экономикалық байланыс комитетінің жетекші маманы, бөлім бастығы, төрағасының орынбасары, төрағасы.

1995-1999 жж. – Қазақстан Республикасы Парламент Сенатының депутаты.

1999-2001 жж. – Қазақстан Республикасының Парламентіндегі ҚР Үкіметінің өкілі.

2001-2003 жж. – Қазақстан Республикасы Премьер-Министрі Кеңсесі Басшысының орынбасары – Қазақстан Республикасының Парламентіндегі ҚР Үкіметінің өкілі.

2003-2006 жж. – Қазақстан Республикасының Көлік және коммуникация вице-министрі.

2006-2007 жж. – Қазақстан Республикасы Көлік және коммуникация министрлігінің азаматтық авиация комитетінің төрағасы.

2007-2012 жж. – Қазақстан Республикасы Премьер-Министрі Кеңсесі Басшысының орынбасары – Қазақстан Республикасының Парламентіндегі ҚР Үкіметінің өкілі.

2012-2017 жж. – Қазақстан Республикасы Премьер-Министрі Кеңсесінің Басшысы.

2017-2019 жж. – Қарағанды облысының әкімі.

2019 жылдан бері Мемлекет басшысының Жарлығымен Қазақстан Республикасы Президенті Әкімшілігінің Басшысы қызметін атқарып келді.

«Парасат» (2013), «Құрмет» (2007) ордендерімен және мерейтойлық медальдарымен марапатталды.

Қазақ, орыс, неміс тілдерін меңгерген.